الغربة ـ القاهرة حوار اشرف علي
تصوير ساحر الكاميرا : وائل فيينا
ماكياج صاحبة الاناملة السحرية : راندا مطر
جينا هي موديل رائعة الحسن حلوة اللفتات ،كعبقة السحر كاحلام المساء عندما تظهر على الاستيج تخطف الاضواء ترى نفسها جينا ولا احد سوى جينا تفتح قلبها لمجلة الغربة:
كيف كانت بدايتك كموديل؟- منذ الصغر و انا أحب الموضة و التقاليع والملابس و أحب أشوف مجلات الأزياء وبحب المكياج و عاشقة للرياضة وكان من أمنيه حياتي أن أكون عارضة أزياء حتى جاء يوم وقرأت فيه عن طلب مودلز وجوه جديده لتصوير سيشن فوتو فتقدمت له واتقبلت وهذة كانت اول خطوة ف عالم الازياء والمودل.
كيف دخلت عالم الفاشون وعروض الازياء ؟
- دخلت المجال كموديل خاصه بتصوير فوتو سيشن ميكب وفاشون ومن هنا اتعرفت كموديل وبدات تجيلى عروض خاصه بديفليهات مع مصممى ازياء ومن هنا دخلت عالم الفاشون وعروض الازياء.
هل شاركت في بطولة افلام - مسرحيات الى اخره ؟
- بتجيلى عروض فالسينما والتلفزيون اخرهم دور بطوله ف مسلسل نازل ف رمضان 2012 ولكن انا مش متسرعه فالموضوع ده لان انا حابه امشى كل خطوة بخطوتها وحابه ان اثبت نفسى كموديل ف مجالى اولا وبعد كده ابتدى افكر فالخطوة التانيه بحياتى وهى التمثيل.
هل عينك على السينما والفن؟
- الحقيقه اتمنى ان ادخل عالم الفن والسينما ولكن زى مقلت انا مش متسرعه لانى حابه مجال الفاشون وحابة اثبت نفسى فيه كويس لانها امنية حياتى منذ الصغر ان اصبح عارضه ازياء.. بعد كده احب ادخل السينما كخطوة ثانيه ونقله فحياتى ولكن وانا معروفه كموديل.
ما اهم المواقف الطريفة التي تعرضت لها اثناء عملك؟
- كان لدى تصوير اوت دور بالاسكندريه وكنا بنصور على الكورنيش ثم تعطل التصوير حوالى 10 دقائق بسبب حاجه فالكاميرات واثناء البريك خلعت الحذاء لانه كان كعب عالى جدا حوالى 12 سم خلعت الحذاء وجلست حافيه وكنت بتكلم فالموبيل اول لما خلصت التلفون نادوا عليا عشان اكمل تصوير وفجاة ملقتش الحذاء بدات ادور عليه و أنادي على من أخذ الحذاء أن يأتيني به ولكن الكل اجمع انهم لم يشاهدوا فغضبت جدا وفنفس اللحظه فوجئت بست لطيفه جاية تقولى ممكن حضرتك تاخدى حذائى تصورى بيه واهو يكون طلعت فالتلفزيون وساعتها اتراجعت عن غضبى لان الموقف تحول لموقف ضحكنى وضحك فريق العمل .
ما هي اهم طموحاتك ؟
- اهم طموحاتى ان انا اثبت نفسى فشغلى واكون ناجحه فيه عشان اقدر اوصل للبتمناه .
مع من من النجوم تحبي ان تمثلي؟
- مافيش حد معين لان انا شايفه ان مصر بلد النجوم والفن وانا شايفه ان فنانين مصر رائعين وكل واحد مختلف عن التانى فمقدرش احدد اقول ده احسن من ده او ده احب اشتغل معاه وده لاء لانى شايفه ان كل شخص ليه لون تمثيلى مختلف عن شخص تانى.
انت خريجة ايه او في اي كلية ؟
- اداب علم اجتماع.
هل عندك افكار مجنونة بتحبي تعمليها زي كل الشباب والفتايات؟
- احب جدا اعمل مقالب في صحابى واحب اتابع برامج رامز جلال جدا لانه معروف بكل جديد فى عالم المقالب فبأخذ منه الفكرة وبنفذها باصدقائى.
ايه اكتر فكرة مجنونة ممكن تخطر على بالك؟
- ان انا ممكن اغير لون شعرى لبينك او اخضر او سماوى وانزل الشارع .. ممكن عن طريق المقالب فصحابى .. بحب اللعب بالميكب بوشى اعمل لوك عفاريت بينى وبين نفسى واخض اللى بالبيت معى .
انت شايفه نفسك ايه ومين؟
- انا شايفه نفسى جينا واحب افضل جينا .
هل شايفه نفسك تنفعي مثلا تبقي رئيس جمهورية ولا شايفك انك عاوزة تبقي موديل وبس؟
- شايفه ان انا انفع ابقى رئيسة جمهورية نفسى بس .
ايه اكتر حاجة بتحبيها وايه اكتر حاجة بتكريها ايه بيضايقك وايه بيسعدك ؟
- اكتر حاجه بحبها البساطه فالتعامل والحياه,
واكتر حاجه بكرها غرور النفس.
واكتر حاجه بتسعدنى لما بحس برضا امى وتشجيعها ليا فحياتى وشغلى.
اكتر حاجة مجنناكي في البلد دي ايه؟ بالتفصيل
- اكتر حاجه مجننانى فالبلد دلوقتى انينا كلما تقدمنا خطوة للامام رجعنا 10 خطوات للوراء ما حدث بثورة يناير شيء عظيم نتج عن تراكمات 60 سنة ، ولا يجوز أن نتحدث عن الثلاثين سنة الخاصة بحكم مبارك فقط لان الفترة الأولي والثانية من حكمه لم تكن تبشر بما حدث في الفترة الأخيرة .. لكن منذ عام 1996 انتشر الفساد وكان الشعب كله يعلم بقضية التوريث حتى جاء يوم 25 يناير لتخرج الناس عن صمتها وبعد أن استطعنا كسر حاجز الخوف عجزنا عن كسر حاجز الأدب وأصبح أي حد يعترض علي سلوك مرفوض يتهم بأنه عميل وخائن وفلول .. فمن باب أولي أن تجمع الثورة فلول هذا النظام السابق وتعدمهم كي نستريح لأنه لا يعقل أن يسقط الشعب ديكتاتورا لتنصيب مجموعة من أصحاب الصوت العالي الديكتاتوري.. لذلك أوجه نداء للشباب احذروا ستسرق ثورتكم تجامعوا وتكافئوا واياكم من التجزيء ستسرق الثورة عن طريق أصابع من الداخل والخارج وده اللى بيسموه اللهو الخفى او الطرف التالتاللى مش عارفينه مين هو !
ايه رايك في المسئولين في البلد زمان والان؟
- يشرفنى طبعا وازدا فخرا برؤساء مصر "جمال عبد الناصر و السادات" لكن النظام السابق فأوصفه بالمجرم وهذا لتورطته فى كل احداث الشغب والانفلات الامنى الذى يحدث بمصر الان ولن انكر دور القوات المسلحه فحماية البلد ولكن ما الاهميه ليد تحمى ويد تثير الشكوك .. ما يجب على القوات المسحله الان من وجهة نظرى هو الشده فالتعامل فالمرحله الراهنه لخطورة الوضع الحالى بمصر.
هل يراودك الندم احيانا؟
- اى حاجه حصلت وعدت انتهت بالنسبه لى ولهذا لا اندم عليها ولكننى اتعلم من اخطائى وانظر دائما للمستقبل.
ما اكبر محطات الفرح فى حياتك؟
- رضى امى ونجاحى فشغلى دى اكبر حاجه بتفرحنى ولكن عموما لا يوجد فرح مكتمل وانما حالات من السعاده وقد تعلكت الا افرح بشدة ولا احزن بشدة.
ما الاحزان التى تطاردك ؟
- اكثر شىء يحزننى ان افقد من حولى .
عند دخولك عالم السينما ما اكتر شخصية تحبى ان تجسديها على الشاشه لتعبر عنك؟
- ليس بالضرورى ان تعبر عنى بشكل كامل ولكنها ممكن القول بانها تحمل جانبا من شخصيتى او مشاعرى فمثلا فيلم "حافيه على جسر الذهب" و" المراهقات" لماجده و"ازكرينى" لنجلاء فتحى كل هذة الادوار احبها فلا يمكننى ان اجسد شخصية اكرها ولا اشعر بالتعاطف معها.
هل تعتبرين نفسك انسانه محظوظه؟
- الحمد لله على كل شىء.
0 comments:
إرسال تعليق